E empresario, Meine Breemhaar i su kasá Mieke, tabata enamorá kaba di Boneiru dia ku a yega na nan konosementu ku Plantashi Bolivia tabata na benta. Dia ku nan a bishitá e antiguo plantashi, nan a nota ku lo no ta falta muchu tempu mas ku e ultimo vegetashon lo disparsé i ku e ratonnan di anochi lo perde nan habitat. Nan a disidí ku esaki no tin mag di sosodé.
Sondeo
Bou di e nòmber Bonaire Properties N.V a sóndea e posibilidatnan pa skapa e área for di un desaster. A instruí Organisashonnan enkargá ku asuntunan di naturalesa pa investigá estado di e flora i fauna.
E kompania Metafoor Ruimtelijke Ontwikkeling, speshalisá den ordenashon di un teritorio, a konsipiá un proyekto kon desaroyá e tereno. Punta di salida ta pa krea un balanse entre restorashon/mantenshon di naturalesa i herensia kultural, bibienda, agrikultura i rekreashon.
Partidonan lokal
A kontraktá e kompania Kuiper Compagnons di Rotterdam pa kaba prosesá e parti di paisahe i di urbanisashon. Kuiper ta un ofisina renombrá ku ta goza di fama internashonal pa su vishon kon krea un ambiente optimal pa biba i tambe kon praktiká agrikultura den un klima tropikal.
Kaminda esaki ta posibel lo traha mas tantu ku por huntu ku e partidonan lokal.
