Ta sigur ku Landgoed Bolivia ta bai ser desaroyá?
Te ainda esaki no ta sigur. Pa esaki tuma lugá mester kambia e plan di destinashon. E prosedura aki mester wòrdu repasá promé.
Tur e permitnan a wòrdu otorgá?
Ainda no ta tin aktividat di pidi un permit. Motibu pa kua no a solisitá niun permit. Na momento ku aktividatnan, ku ta eksihí un permit wòrdu ehekutá, naturalmente lo solisitá pa tur permit nesesario.
A hasi un estudio di e efektonan riba medioambiente kaba?
Ainda no. A traha si un promé anotashon pa loke ta trata e estudio di e efektonan ambiental ku ta nesesario pa trese kambio den e plan di destinashon. E promé notashon aki lo wòrdu tratá konforme prosedura di OLB. Despues OLB lo buta esaki pa tur hende por lesa.
Ki otro estudio/investigashon a wòrdu hasí?
Tantu Carmabi komo Wild Conscience, riba instrukshon di e propietario di Landgoed Bolivia, a hasi estudio/investigashon di e tereno. Resultado di e estudionan aki a sirbi komo base di e plan pa desaroyá Landgoed Bolivia pa loke ta trata e plan urbanístiko i e vishon di paisahe. Den pasado e teritorio aki den mas ku un okashon a wòrdu investigá i studiá.
(“links” informashonnan relevante ta riba e “site” aki.)
Kon ta bai prevení ku e naturalesa ta wòrdu afektá?
Lo tin aktividat solamente na e sitionan unda naturalesa tin menos balor. Protegiendo i fortalisando e sitionan unda naturalesa tin un balor haltu i tambe dor di kapturá/eliminá e komedónan di hierba, e naturalesa riba Landgoed Bolivia lo tin un progreso remarkabel. Banda di esei ta bai tuma diferente medida pa dirihí e awa di awa seru pa evitá esaki no bai laman. Asina e refnan ta wòrdu mihó protehá.
Lo bai kap palu òf yatu?
Esnan protehá lo no bai wòrdu di kap. No por bisa ku tur siguridat ku lo no tin kapmentu di palu òf yatu. Pa kada palu òf yatu ku wòrdu di kap lo planta 3 diferente tipo di palu krioyo.
Lo no tabata mihó pa a konsentrá konstrukshon di e kasnan nobo rònt Kralendijk unda ya tin tur e akomodashonnan?
Akualmente por konstatá ku rònt Kralendijk ta yenando ku bibienda. Ta bin aserka ku ainda tin zona bèrdè den Kralendijk. Ta bon pa mantené esaki relashoná ku adaptashon na kambio di klima. Asina, entre otro, e bèrdè ta wanta e awa pa evitá ku esaki bai laman i daña e réfnan. Mas aleu e area rònt di Kralendijk ta desordená i ainda tin mas i mas plan pa konstruí kas. Esaki lo redusí e kalidat i balor di e area rònt Kralendijk. Realisando un bario nobo di kalidat haltu entre Rincon i Kralendijk e preshon riba Kralendijk lo mengua i Rincon lo haña mas konekshon ku e otro parti di e isla. Di mes lo realisá e akomodashonnnan aki riba Landgoed Bolivia.
Kon restorashon i supervishon di e proyekto riba Landgoed Bolivia lo bai wòrdu finansiá?
E restorashon lo keda realisá ku rekoudashon for di e desaroyo. E supervishon lo bai wòrdu finansiá ku kontribushon finansiero di e habitantenan riba Landgoed Bolivia.
Ken lo bai supervisá e proyekto riba Landgoed Bolivia?
Lo bai funda un organisashon di supervishon pa un periodo. Nan lo bai supervisá e parti di Landgoed Bolivia ku ta habitá i tambe e parke rural.
Kon lo bai evitá presensia di kabritu i buriku?
Den konsulta ku e doñonan lo kapturá òf saka e kabritunan. Despues di esaki lo tuma medida pa tene e kabritu- i burikunan for di e area.
Ki ta bai pasa ku ruïna di e edifisionan di éks plantashi Bolivia?
Kaminda esaki ta posibel lo restorá nan. Nan lo haña un funshon den e area. Aki por pensa riba un resèpsi un restorant den e eco-resort òf un sentro di informashon pa e area kompleto.
E tereno ta keda asesibel pa tur hende?
SI. Lo tin si regulashon di entrada. Di e manera aki lo empedí pa kosnan indeseabel tuma lugá. P.e. tiramentu di sushi, bestia morto etc.
Aktualmente tin kanamentu, korementu di baiskel, kròsmentu di motosaikel i quads riba e tereno di Landgoed Bolivia. Esaki ta keda posibel?
SI. Ta bin ruta pa e aktividatnan aki p’asina evitá ku ta krusa pa loko riba e tereno. Di e manera aki e naturalesa den e otro areanan por rekuperá.
Kuantu porsentahe di e tereno di Landgoed Bolivia lo bai huza pa konstrui kas riba dje?
E area ku a keda destiná pa traha kas, despues di un investigashon, ta menos ku 10% di e tereno di Landgoed Bolivia. En realidat menos ku 2% di e area lo bai wòrdu huzá pa traha kas.
Kon ta pará ku energia, awa di riól i otro asuntunan?
E bario lo bai bira mas tantu posibel outosufisiente. Durabilidat i sirkularidat ta e tema esenshal pa desaroyo di Landgoed Bolivia
Aktualmente ta tumando lugá e estudionan nesesario ku lo tin bai indiká ku e ambishonnan riba e tereno aki ta faktibel.
E ta bai bira un “gated community” ku bewaker na entrada?
No. E supervisornan lo perkurá pa vigilansia.
Ki dia lo inisiá ku konstrukshon?
Esei no por bisa ainda. Primeramente mester repasá tur e proseduranan pa despues pidi e permitnan nesesario.
E konstrukshon lo bai kousa molèster manera tráfiko di truk, stòf i bochincha?
Tur konstrukshon ta bai akompañá ku algun molèster. Lo trata di minimalisá e molester aki.
Unda mi por apliká pa un kas pa hür òf pa kumpra?
Pronto bo lo por apliká riba e “website” aki.
Will there be shops and other services?
Si. Ta bin algun akomodidat. Un ke otro pa baha e tráfiko di outo pa Kralendijk.
Kon mi ta bin na remarke pa un pida tereno pa agrikultura?
Tin plannan pa agrikultura riba Landgoed Bolivia. E plannan pa agrikultura di ekselente kalidat mester bai kontribuí na e outosufisiente di Boneiru.
Kuantu “eco-resort” lo wòrdu konstruï? Kon grandi nan lo bira?
Tin lugá pa 5 “eco-resort” di ekselente kalidat i ku lo bai pas bon den e area.
A tene kuenta ku esaki i lo tin lokalisashon di kasi 10 hèktar pa kada un.
Lo bin un kancha di gòlf?
No.
Kiko ta e modelo di nigoshi pa e propietarionan di Landgoed Bolivia?
Meta di e propietarionan di Landgoed Bolivia ta pa yega na un desaroyo balioso i duradero pa Boneiru.
Banda di esei naturalmente ta e intenshon pa realisá un resultado positivo pa perkurá ku e tereno por keda duradero tambe.
Preokupashon di e fundashon Save Plantation Bolivia ta hustifiká?
Meta di e fundashon, manera nan mes a deklará den un entrevista ku e korant Trouw, ta pa empedí ku lo tin desaroyo patras di kurá di e habitantenan di “Lugá Alehá”. Den e kaso ei nan preokupashon ta hustifiká.
Sinembargo tin un plan ku koutelosamente ta wòrdu desaroyá ku ta bai pas bon den e area i ku lo no bai intervení den e sobrá naturalesa balioso. Hustamente na unda e naturalesa pa un gran parti a disparesé lo bai desaroyá i alabes rekuperá e naturalesa.
Boneiru ta konfrontando problemanan manera: kresementu di poblashon, skarsedat di kas pagabel, falta di un pilá ekonómiko otro ku turismo, eroshon i pobresa. Ku e desaroyo riba Landgoed Bolivia lo aportá na solushoná e problemanan aki. Tur esakinan no ta den komparashon ku e pensamentu di un banda so di un organisashon ku tin komo meta “not in my backyard”.
Lo bai konstruï riba e barankanan?
E kasnan konstruï riba e barankanan di Arawak no ta forma parti di e plan di Landgoed Bolivia. Segun opinion di e propietarionan di Landgoed Bolivia konstrukshon riba of pegá ku e barankanan tin un impakto visual indeseabel riba e vishon inmenso di e area. E evolushon previsto lo keda sufisiente leu for di e barankanan. For di e simulashon por dedusí ku no tin òf masha poko impakto visual.
Mi por bai piska na kosta di Landgoed Bolivia?
Si. Tin hopi hende ta bai piska riba e kosta. Esaki lo keda asina tambe den futuro.
Ta bin un parke di rekreashon, parke aguátiko òf algo por estilo?
No.
