Goza di e naturalesa sin trese esaki den desbalansa òf goza di e naturalesa sin laga señal di distrukshon atras. Esaki ta lema di e mini eko-resort ku ta bin na Landgoed Bolivia.
Boneiru ta ideal pa eko-turismo. E isla tin relativamente tiki habitante i e aktividat turistiko ta konsentrá mas alrededor di Kralendijk speshalmente na e parti suit. Algun kilometer mas den interior di e isla tin menos tráfiko i menos hende. Aki ta desplegá un paisahe ku un variashon di seru i mondinan bèrdè (speshalmente den tempu di yobida) rondoná di e laman karibense di koló blou bèrdè.
“Bale la pena eksplorá e teritorio grandi di Landgoed Bolivia i sera konosi ku e flora i fauna lokal”
Kòmfòrt
Bale la pena eksplorá e teritorio grandi di Landgoed Bolivia i sera konosi ku e flora i fauna lokal. Pa e motibu ei lo krea ruta pa kana i tambe pa kore baiskel. Esun ku berdaderamente kier sinti su mes den e naturalesa úniko den e pida Hulanda aki por skohe pa un estadia den un eko-resort unda sensibilidat i komfòrt ta kana man den man.
Rangers
Lo organisá kaminata i korementu di baiskel for di e mini-resort aki pasando riba e térasnan di seru di diferente altura ku e paisahe ta brinda. Rangernan lo indiká amantenan di para e mihó sitio pa observá esakinan. E área, ku su mondinan seku, yatunan haltu, barankanan di tur forma yená ku fosil i olanan ku ta bati kontra kosta, ta sumamente fotogéniko.
