E kasnan ta bai wòrdu posishoná riba Landgoed Bolivia di tal manera ku nan ta bai inkorporá diskreto den un ambiente natural.
E periodo di konstrukshon ta dependé di e nesesidat i demanda pa kasnan pagabel Durante e próksimo 10 aña lo konstruí alrededor di 95 kas. Pa motibu di e skarsedat struktural di kas pagabel no tin fluho for di e bibiendanan sosial. Esaki ta pone ku hopi famia hoben tin ku warda años pa bin na remarke pa un kas. Ta pa e motibu aki lo konstruí riba Landgoed Bolivia kas pa bende i hür ku ta pagabel pa hendenan ku un entrada normal.
“Pa no hasi daño na e paisahe original a skohe pa desaroyá diferente grupo chikí di kas”
Tamaño chikí
Pa no hasi daño na e paisahe original a skohe pa desaroyá diferente grupo chikí di kas. Esakinan lo wòrdu konstruí solamente unda ku e tereno no tin hopi balor di naturalesa.. Komo ku ta tene kuenta ku naturalesa ora ta destiná un tereno pa konstruí kas, e barionan lo bai haña un aspekto speshal sin kayanan règht i kasnan monótono. Debí ku no tin edifisio haltu e bista riba e paisahe ta keda intakto. Pa stimulá e naturalesa mas tantu ainda, a keda disidí ku 60% di kada kavel ta liber di konstrukshon di moda ku e ta forma parti di e tereno ku ta rondoná esaki. Stimulando aktivamente i planta diferente sorto di palunan lokal lo perkurá ku e areanan residensial lo kontribui na reparashon di e mondi tropikal seku. Apesar di e konstrukshon di e grupo di kasnan menshoná, mas ku mitar di e terenonan lo keda bèrdè.
Ku respèkt pa medio ambiente
E kasnan nobo ta kumpli ku e eksigensianan di mas haltu riba tereno di medio ambiente . E energia nesesario lo ta di solo i bientu. Lo konstrui e kasnan di un manera ku mester di menos koriente pa mantene nan fresku. Yobida di awaseru ta bai den un rénbak bou di e kas. E awa por wòrdu uzá despues.
