Boneiru tin e ambishon pa produsí su mes komestibel. Ta pesei Landgoed Bolivia ta ofresé espasio pa agrikultura i hortikultura inovativo i sostenibel.
Na Boneiru kasi tur komestibel obtenibel ta wòrdu importá. Esaki ta hopi kostoso i no ta sostenibel pa e konsumidó.
Komo tal Kolegio Ehekutivo di Boneiru ta enkurashá tur instansha konserní pa re-aktivá agrikultura i hortikultura, krio di bestia i piskeria.
Riba tereno di Landgoed Bolivia a reservá un área pa aktividatnan agrario. Lo stimulá métodonan inovativo i sostenibel manera “hydroponics”.
“Investigando i aplikando tipo di berdura i fruta ku por duna mihó resultado den e klima di Boneiru”
Universidat Hulandes ta involví
Universidat di Wageningen ta yudando Boneiru pa desaroyá un maneho aktivo pa agrikultura investigando i aplikando tipo di berdura i fruta ku por duna mihó resultado den e klima di Boneiru. Destinashon di e espasionan reservá pa agrikultura lo bai tuma lugá den koperashon estrecho ku e Servisio Insular di LVV.
